1. Adopt-a-Dustbin hian enge a tum?
Vantlang hmuna bawlhhlawh bawm awm, enkawltu an neih loh avanga luangliama a chhehvel ti tawp em em tu ten enkawltu an neih hi a tum chu a ni. Tin, vantlang hmun lun lai, bawlhhlawh leh hnawmhnawk tamna hmun, bawlhhlawh bawm la awm si lohna hmuna bawlhhlawh bawm daha, a enkawltu in mumal taka a enkawl hi a tum a ni bawk.
2. Adopt-a-Dustbin hi eng scheme hnuaia kalpui nge ni?
UD&PA, AMC leh Aizawl Smart City te thawhhona, ‘Comprehensive Plan for Municipal Solid Waste Management in Aizawl’ atanga ruahmanna hi siam a ni.
3. Tu in nge bawlhhlawh bawm chu enkawl /adopt thei?
Mimal, pawl, thianho, kohhran, veng welfare, sumdawng, office – a duh apiangin a adopt theih.
4. Enkawltu/adopt-tu chuan hlawh a nei dawn em?
Hlawh/lawmman hi a awm dawn lova, thahnemngaihna leh fai duhna avanga mi inpe leh tlawmngai te’n an adopt dawn a ni.
5. Bawlhhlawh bawm chu engtia neih tur nge?
UD&PA Department in ruahmanna a siam ang.
6. Bawlhhlawh bawm chu khawia hun tur nge?
Mimal compound leh mahni in kawtah te a hun theih loh a, vantlang hmun, veivak an tamna leh bawlhhlawh pawh a tamna hmunah dah tur a ni.
7. Bawlhhlawh bawm enkawl / adopt-tu chuan engtin nge a enkawl ang?
Bawlhhlawh bawm chu a khah veleh a tiruak anga, an veng bawlhhlawh paih ni ah bawlhhlawh paih lirthei ah a paih thin ang. Tin, bawlhhlawh bawm chhehvelah bawlhhlawh paih darh a lo awmin a chhar khawm anga, bawlhhlawh bawmah chuan a paih ang. A bawlhhlawh bawm chu a lo balh in a tifai thin bawk ang.
8. Bawlhhlawh bawm adopt duh tan engtin nge dil tur?
UD&PA Department ah online form hmanga dil tur a ni. Department website
udpa.mizoram.gov.in ah dilna form hi a awm a, bawlhhlawh bawm dahna tur hmun thlalak nen dil tur a ni.
9. Thil zawhfiah duh te khawiah nge zawh tur?
UD&PA Office, MINECO, Khatla ah SBM Cell ah a zawh theih a, phone no.
8575779187 ah hian a zawh theih bawk e.