Thuhmahruai:
National Urban Livelihoods Mission (NULM) hi Ministry of Housing and Urban Poverty Alleviation hnuai a Sawrkar Laipui Flagship Programme pawimawh ber pakhat ni in, 24th, September, 2013 khan India ram ah bul tan a ni. Mizoram ah pawh Urban Development and Poverty Alleviation (UD&PA) Department in he Mission hi a kal puiin, Sorkar laipui duh danin Mizoram State Urban Livelihoods Mission Society (MzSULM) chu 30th, October 2014 ah Mizoram Societies Registration Act, 2005(Act No. 13 of 2005) hnuai ah din fel ani bawk. NULM hian sawrkarlaipui in a hunrei tak a lo kalpui tawh Khawpui retheite chawikanna Programme SJSRY chu a rawnthlak ta a ni.
NULM Thiltum Bulpui leh Innghahna:
He Mission in a tum bulpui ber chu, a bulthut a mirethei te inzawmkhawm pawl chak leh ngelnghet tak (Self Help Group leh SHG Federation) din a, chumi kaltlanga khawpui a retheihna tihtlem a, mirethei chhungkuate tana eizawnna tur hlawkzawk leh hnathawhtur tha hmuhpui a, an harsatna sukianpui bakah eizawnnangelnghet an neihtheihna tura kawng kawhhmuh hi a ni. He mission hian khawpuia chenna in neilote hnen ah a hmatiamin chenna tur In buatsaih sak a tum bawk a. Hemi bakah hian kawngpui sira inzuarte harsatna sutkianpui tumin, inzawrhna hmuntur remchang hauhsakte, loan an hmuh theih dan ngaihtuah puite, hamthatna hrang hrang bakah remchanna an hmuhte an hman tangkai zung zung theihna tura thiamna tihpun kawngah pawh a tanpui dawn a ni. He Mission kalpui tur hian Mizoram ah pawh UD&PA Department hnuai ah Project Director kaihhruaina in State Mission Management Unit (SMMU), Mizoram pum tan leh District headquarter tin ah City Mission Management Unit (CMMU) te din fel tawh a ni. National Urban Livelihoods Mission (NULM) hian ken tel (Component) pawimawh tak tak a nei a chungtechu:
Social Mobilisation & Institutional Development (SM & ID):
Self help Group (SHG) Inzawmkhawm Pawl changtlungtak din tum ani - Hemi hnuai ah hian mirethei inzawmkhawm pawl inkhaidiat pathum (3) din tum ani. SHG changtlung tak din a, chumi chungah chuan Venghuap pawl din leh a chumi chung leh ah chuan khawpuihuap pawl din tur a ni. NULM hnuai ah chuan mi 10-20 in SHG an din thei a, chung zing ami chu za a sawmsarih (70%) tal BPL chhungkua ami an ni tur a ni. Heng SHG te hi Revolving Fund Rs 10,000 an chak dan a zirin pek an ni ang. Venghuap SHG Inzawmkhawm Pawl (ALF) chu SHG 10-20 kalkhawm in an din thei ang a, heng Pawl hi Revolving Fund Rs 50,000 an chak dan a zirin pek an ni ang. A chungber ah Khawpuihuap CLF pakhat din theih a ni ang. NULM hnuai a SHG a telte tan hian Loan a pung tlem (7 % Interest Rate) an hmuhhteihna tur a hmalak leh NULM hnuaia hamthatna leh sorkar programme dang a hamthatna awmte a tam thei ang ber dawng tur a thuamchak tum a ni bawk. City Livelihoods Centre (CLC) - Khawpuia cheng mirethei ten an thiam thil leh dehchhuah te awlsam leh awmzenei zawk a mamawh tute hnena an phochhuah theihnatur a “HMUN” siamsak hi NULM in a tum bawk.
Employment through Skill Training and Placement(EST&P):
Hemi hnuai ah hian khawpui miretheite theihna leh thiamna tihpunsak anih theih nana puih tum a ni. . Hei hian hlawhnei chi a hna an zawnna kawngah emaw mimalin eizawnna bul an tan dawnin an theihna a tihpun phah dawn a ni. Hna hmuh awlsam nan emaw eizawnna bul tan alo hlawk theih nan khawpui mirethei te hnen a Training pek tur reng reng chu mite mamawh ang chi ani tur a ni. Khawpui mirethei ah pawh eizawnnakawngaharsatna tawk nasate a tinzawn bik ang. Hemi hnuaia hamthatna dawng tur hian thiamnangai zat bituk a awm lova. Amaherawhchu, hamthatna dawngtute zing a Za a sawmthum (30%) tal chu hmeichhia an ni tur a ni. Heng bakah hian miharsa zual heng kutdawh, bawlhlawh chharkhawmtu, insakna a inhlawh leh mi chanhaite chu ngaihpawimawh zual tur an ni.
Self-Employment Programme (SEP):
Hemi hnuai ah hian khawpui a mirethei te emaw mirethei pawlte hnen a anmahni eizawnna leh sumdawnna tenau an din theihna tur a, sum lama tanpui dan kawngzawn tuma ni. Khawpui a mirethei hna neilo emaw anphutawk hnathawklo te chu thilsiamchhuahna emaw eizawnna tenau, vantlang mamawh phuhru theite hmanga bultan theitur a puih tur a ni. SEP hnuaia hamthatna nei tur hian thiamnangai zat bituk a awm lo. Mimal sumdawnna tenau din duh tan cheng Nuaih hnih (2) thleng loan dil theih a ni a, mi 5-10 intelkhawm (SHG nilo) tan cheng Nuaihsawm (10) thleng loan diltheih a ni. SHG tan bikchuan an sumkhawlzat atanga chhut a a let li (4) thleng Loan hi dil theih a ni bawk. Hemi hnuai a Loan reng reng hi Interest rate 7% aia a tamna zawng chu NULM in a tumsak ang a, hmeichhe hlang SHG tan 3% dang chu ngaihhnathiam an ni leh bawk ang. He hamthatna dawngtur erawh chuan Loan la tu hian Bank ah an Loan lakte an rulzo vek phawt ang a, Bank lam in an rulh zawh hnu ah NULM an rawn hriattir hnu ah heng hamthatnate hi pekchhuah leh tur a ni.
Support to Urban Street Vendors (SUSV):
Hemi hnuai ah hian khawpui a khawlai a thilzuar te awmzenei zawk a an inzawrhna hmun siamsak leh phalna nei thlap a thilzawrh anih theih nana hmalak tum a ni. Khawlai a thilzawrhte a thianghlim zawk nan te leh an thilzawrhna kawng ah hamthatna tam zawk anhmuh theihnaturte a thuamchak tum an ni bawk.
Scheme of Shelter For Urban Homeless (SUH):
Hemi hian a tum ber chu khawpuia mirethei khawlai a chengte tana “Chenna in” buatsaih a ni. Chu In (Shelter) ah chuan tui, inthiarna, choka, eng leh a dang pawimawhte a awm ngei tur a ni. Heng In hi khawpuia chenna neilo, khawlai a riak thin te tan engtiklaipawhin, engtikhunah pawh a inhawng tur a ni. Khawpui mi Nuai 1 chenna ah chuan a hmun awmdan a zirin he In hian mi 50 atanga 100 a dawngsawng thei tur a ni. He In a awmte chu sorkar hnuai a hamthatna dawn theihna kawng hrang hrang ah ngaihpawimawh hmasak tur an ni. A theih chin chinah chuan he In hi chenna neilote tamna leh an hnathawhna hmun hnai ah siamtur a ni. Heng Bakah hian NULM hnuaia hamthatna dawngtu zawng zawng te chu bank account an neih vek theihna tur leh chumi kaltlanga hamthatna an neih theihna tur (Universal Financial Inclusion) ruahmanna hrang hrang heng, awlsam leh a pung tlem zawka loan hmuh te, damlohna, vanduaina leh thih thulh a hamthatna (insurance) te bakah sorkar in a mipui tana hamthatna hrang hrang a siam te hmuhtir ngei hi a a thiltum pawimawh ber a ni.
Success stories
- K.Lalnunmawii Download here.pdf
- Kumtluang Self Help Group (Ramhlun Vengthar) Download here.pdf
- Lalnunpari Download here.pdf
- Lalruatmawii Download here.pdf
Important Links:
