Directorate of Urban Development & Poverty Alleviation Department, Government of Mizoram, India

PRADHAN MANTRI AWAS YOJANA - URBAN 2.0 MISSION

Pradhan Mantri Awas Yojana - Urban 2.0 hi Ministry of Housing & Urban Affairs, Government of India hnuaia Mission pakhat a ni a. 1st September, 2024 khan Ministry of Housing & Urban Affairs, Government of India chuan India ram chhunga State tina kalpui tur a nih thu a lo tlangzarh tawh a. He scheme hi kum 5 chhunga kalpui tur a ni.

Pradhan Mantri Awas Yojana - Urban 2.0 hnuaia components awm te chu :

1. Beneficiary Led Construction (BLC)

2. Affordable Housing in Partnership (AHP)

3. Affordable Rental Housing (ARH)

4. Interest Subsidy Scheme (ISS)

He Mission hi Urban Development & Poverty Alleviation Department, Government of Mizoram kaltlangin Mizoram chhungah March, 2025 atang khan dilna hawn a ni a. He Scheme hi District Headquarters 11 ah te kalpui a ni. Mizoram chhunga PMAY - Urban 2.0 components dil theih te chu:

1.Beneficiary Led Construction (BLC) - He component hi Centrally Sponsored Scheme (CSS) a ni a. BLC in a tum ber chu khawpuia cheng, kum khata Rs. 3,00,000/- aia tam la lut tlinglo, chenna in neilo, In sakna tur ram nei te tana insak tanpuina pek a ni. Insak tanpuina hi Central leh State Sorkar tangrualin BLC beneficiary te hnenah insak tanpui nan Rs. 2,50,000/- theuh a sem ang. Insak tanpuina dawngtu hian Beneficiary share Rs. 62,500/- aia tlem lo insak nan hian an thawh ve tur a ni. He tanpuina hi insak nan chiah a hman tur a ni. He tanpuina dil thei chin leh documents ngai te chu a hnuaia mi ang hi an ni:-

PMAY - Urban 2.0 hnuaia insak tanpuina (beneficiary led construction - blc) dil thei te chu:-

• Chhungkua, in hrang chang tawh an ni tur a ni.

• India khua leh tui nihna identification an nei ngei tur a ni.

• Economically Weaker Section (EWS)kum khat chhunga chhungkaw lakluh zat cheng nuaih 3 aia tam lo an ni tur a ni.

• In sakna tur ram (House Pass) a nei tur a ni.

• Kum 7 tal tuna a chenna khuaah a cheng tawh tur a ni.

• Income Certificate felfai tak a nei tur a ni.

• Diltu te chuan khawi hmunah mah Pucca/RCC (All weather house) a nei tur a ni lo.

• Kum 20 chhung Housing Scheme dawng tawh tan a dil theih loh.

Diltu tur te chuan heng a hnuaia Document te hi a nei ngei ngei tur a ni:

• Diltu leh chhungkaw Aadhaar Card (Aadhaar Card leh Phone No. link ngei tur a ni)

• Diltu Bank Account (Diltu Aadhaar leh Bank Account a in link ngei tur a ni.)

• Certificate of Ownership (House Pass) a nei ngei tur a ni.

• Family Ration Card.

Beneficiary Led Construction (BLC) dil theilo te:

• Housing Loan leh Insak tanpuina kum 20 kalta chhung a la tawh te tan.

• Land Ownership nei felfai lo te tan

• Kum khat chhung chhungkaw sum lakluh belhkhawm cheng nuai 3 aia tam la te tan

• Chenna in tha nei te tan

• Chhungkaw indang sa lo tan.

• In extend nan leh chei that phal a ni lo.

2.Interest Subsidy Scheme (ISS)- He component hi Central Sector Scheme a ni a. He component in a tum ber chu khawpuia cheng, housing loan la te tana subsidy rate a housing loan lak theihna a ni a. Mizoram chhungah District Headquarters 11 ah te kalpui a ni. Mizoram Rural Bank (MRB) leh State Bank of India (SBI) kaltlanga dil tur a ni. He Mission dil thei te chu:

• Economically Weaker Section (EWS) - kum khata cheng nuai 3 aia tam lo la lut te.

• Low Income Group (LIG) - kum khata cheng nuai 3 leh 6 inkar la lut te tan.

• Middle Income Group (MIG) - kum khata cheng nuai 6 leh 9 inkar la lut te tan.

Parameters	EWS/LIG/MIG
Annual Household Income (Rs)	Upto Rs. 9 lakh
Interest Subsidy (%P.A)	4.0%
Maximum Housing Loan eligible (Rs.)	Rs. 25 lakh
Maximum House Value	Rs. 35 lakh
Maximum Carpet Area (up to) in sqm	120
Maximum benefit of interest subsidy (Rs.) Actual Release	Rs. 1.80 lakh
Maximum benefit of interest subsidy (Rs.) - NPV	Rs. 1.50 lakh

Documents ngaite:

• Diltu leh chhungkaw Aadhaar Card (Aadhaar Card leh Phone No. link ngei tur a ni)

• Diltu Bank Account (Diltu Aadhaar leh Bank Account a in link ngei tur a ni)

• Diltu PAN Card

• Income Certificate.

• Land Documents felfai tak.

ISS Scheme a ineligible theih dan te:

• Ram pakhatah subsidy hi vawikhat chauh a lak theih ang. Ram hi hralh anih pawhin a lei lehtu te’n subsidy an claim theilo ang.

• Chhungkaw pakhat atangin ram pakhat dahkhamin a hrangin dilna thehlut pawh nise, ram pakhat anih anga ngaih/chhut a ni ang.

• Diltu in Private Lending Institute (Bank) pakhata an dilna balance transfer atan Bank dangah an insawn duh anih chuan, beneficiaries hian subsidy an claim theilo ang.

• Loan lak hnua Bank danga Balance Transfer a loan dang lak leh a nihin, Loan lakna hmasa a, Interest Subsidy an dawn tawh chuan, a hnuhnung zawk an dawng leh thei tawhlo ang.

• Loan nuai 25 aia tam lo leh in nuai 35 hu aia tam lo te hnenah chuah he subsidy hi a lak theih.

• Lehkha leh thudiklo hmanga he scheme benefit hi mi in an lo dawng ani tih hriatchhuah anih chuan an chungah dan anga hmanlak a ni ang.

Beneficiary Led Construction leh Interest Subsidy Scheme kalpuina cities te:

1. Aizawl

2. Lunglei

3. Siaha

4. Champhai

5. Kolasib

6. Serchhip

7. Lawngtlai

8. Mamit

9. Saitual