Dated Aizawl the 23rd June, 2023 :    Vawiin khan MRB  Conference Hall, MINECO-ah Ministry of Housing & Urban Affairs hmalaknain,  Swachh Bharat Mission (Urban) 2.0 chak zawk leh hlawhtling zawka kalpui a nih theih nan Administrative Staff College of India (ASCI) atanga Resource persons- Dr. Pratibha Ganesan leh Devika Ganesan te nen ‘Consultative Workshop on Human Resource Management for Effective Implementation of SBM(U) 2.0’ neih a ni.

He workshop hi Pu Malsawmzuala, Joint Director, UD&PA in a kaihruai a, UD&PA Director Pu H. Lianzela’n Swachh Bharat Mission (Urban) hmachhawp leh hmathlir te sawiin, kan ram leilungin a zir loh avanga India ram khawpui hrang hranga Solid Waste Management Centre leh Used Water Management kalpui dan te a hman ve ngawt theih loh thu te sawi langin, Mizoramah chuan decentralized solid & used water management kalpui tum a nih thu a sawi lang bawk.

Worskhop-ah hian UD&PA Directorate atangin SBM changtu officers te leh staff te, AMC, Sanitation Office leh District hrang hrang atangin UD&PA staff te bakah Health & Family Welfare Deptt. atangin mithiamte an rawn tel bawk a ni. Kalkhawmte hi group hrang hrangah inthenin an District tina SBM kalpui meka harsatna awm hrang hrang te - thawktu indaihlohna te, bawlhhlawh sawngbawl kawnga technical expert indaihlohna te, khawl changtlung neih harsat thu te leh harsatna hrang hrang te sawiho a zirho niin, SBM(U) kalpui dan tha zawk tur te leh hmasawnna tur hrang hrang te rel ho a ni.